Waziri wa Maliasili na Utalii atembelea Tarime

Posted on: May 28th, 2023

Waziri wa Maliasili na Utalii Mheshimiwa Mohamed Mchengerwa leo tarehe 28 Mei, 2023 amefanya ziara ya kikazi ya siku moja katika Tarafa ya Ingwe, Halmashauri ya Wilaya ya Tarime kwa ajili ya kuzungumza na wananchi wa vijiji 7 vinavyopakana na Hifadhi ya Taifa ya Serengeti (SENAPA).

Katika ziara hiyo Mhe. Mchengerwa amepokelewa katika Kijiji cha Gibaso na Katibu Tawala Mkoa wa Mara Bwana Msalika Robert Makungu aliyemwakilisha Mkuu wa Mkoa wa Mara, Mkuu wa Wilaya ya Tarime Kanali Michael Mtenjele na viongozi na watendaji mbalimbali wa Mkoa wa Mara.

Wengine walioshiriki katika mapokezi na ziara hiyo ni Mbunge wa Tarime Vijiji Mhe. Mwita Waitara na wabunge wa viti maalum Mkoa wa Mara.

Katika ziara hiyo Mhe. Mchengerwa ameambatana na Naibu Katibu Mkuu wa Wizara ya Maliasili na Utalii Bwana Anderson Mutatembwa na Kamishna wa Hifadhi za Taifa (TANAPA) Bwana William Mwakilema.

Katika ziara hiyo, Mhe. Mchengerwa amepokea taarifa ya Hifadhi ya Taifa ya Serengeti na zoezi la uwekaji wa vigingi vya mpaka kati ya vijiji vya Tarafa ya Ingwe na SENAPA na  amezungumza na wananchi wa Tarafa ya Ingwe katika vijiji vya Gibaso na Kegonga.