Kanali Mtambi ahimiza upandaji miti

Posted on: January 14th, 2026

Mkuu wa Mkoa wa Mara, Kanali Evans Alfred Mtambi leo tarehe 14 Januari, 2026 amewaongoza wananchi kupanda miti katika Shule ya Msingi Buhare Kati iliyopo Manispaa ya Musoma katika Kampeni ya Utunzaji wa Mazingira na amewahimiza wananchi wa Mkoa wa Mara kupanda moti na kutunza mazingira.

“Nawaombeni tuyatunze mazingira yetu, huku tukipanda miti kwa wingi maana miti ni uhai” amesema Mhe. Mtambi

Akizungumzia zoezi hili la upandaji wa miti Kanali Mtambi alisema kuwa linafanyika shuleni ili kuhimiza wanafunzi ambao ni vizazi vyetu vya sasa na vijavyo kujua umuhimu wa kupanda miti na kutunza mazingira.

Wakati huo huo, Mhe. Mtambi amewataka walimu, wazazi/walezi na wanafunzi wenyewe kila mmoja atimize wajibu wake katika elimu ya taifa letu ili kuhakikisha Mkoa wa Mara unafanya vizuri kitaaluma.

Zoezi la upandaji wa miti limefanyika Shule ya Msingi Buhare Kati ambayo ni moja ya shule za msingi katika Manispaa ya Musoma yenye jumla ya wanafunzi 800.

Katika zoezi hilo jumla ya miti 200 imepandwa na Mkuu wa Mkoa ameambatana na Mkuu wa Wilaya ya Musoma Mhe. Juma Chikoka na viongozi wengine.