Mwenge wa Uhuru Wapitisha miradi 68 ya bilioni 26.5 Mara

Posted on: August 23rd, 2025

Mwenge wa Uhuru leo umehitimisha mbio zake katika Mkoa wa Mara baada ya kutembelea, kukagua, kuweka mawe ya msingi, kuzindua na kufungua miradi ya maendeleo 68 yenye thamani ya shilingi 26,547,598,285.42 baada ya Mwenge wa Uhuru kukamilisha mbio zake leo katika Halmashauri ya Wilaya ya Bunda.

Kwa mujibu wa taarifa iliyotolewa na Mratibu wa Mwenge wa Uhuru Mkoa wa Mara Bwana Fidel Baragae, miradi iliyopitiwa na Mwenge wa Uhuru ilikuwa katika sekta za elimu, afya, maji, ujenzi, kilimo, mifugo, mazingira, ustawi wa jamii, viwanda na biashara.

Ukiwa katika Mkoa wa Mara Mwenge wa Uhuru umekimbizwa kilomita 1,123 kuanzia tarehe 15 Agosti, 2025 hadi leo ambapo umehitimisha mbio zake katika Halmashauri ya Wilaya ya Bunda na mkesha wa Mwenge unaendelea katika uwanja wa Shule ya Msingi Kibara.

Wakati huo huo, Mwenge wa Uhuru leo umeendelea na mbio zake katika Halmashauri ya Wilaya ya Bunda ambapo umetembelea miradi sita yenye thamani ya shilingi 1,849,431,152.20 ambapo mchango wa wananchi ni shilingi 16,100,000.00, Halmashauri shilingi 113,000,000.00 Serikali kuu shilingi 1,720,331,152.20.

Baada ya kupokelewa kutoka Halmashauri ya Wilaya ya Serengeti katika uwanja wa mnada wa Mugeta, Mwenge wa Uhuru umezindua nyumba ya walimu ya two in one katika Shule ya Msingi ya Sabasita na kudindua Klabu ya wapinga rushwa katika shule hiyo.

Aidha, Mwenge umezindua mradi wa maji Kabainja na kufungua daraja la barabara ya bulamba- Mwiruruma, umeweka jiwe la msingi katika zahanati ya Nyamitwebilina kupanda miti katika eneo la zahanati hiyo na kuhitimisha kwa kutembelea kikundi cha vijana cha usagaji wa mawe.

Katika eneo la mkesha Mwenge wa Uhuru umekagua kongamano la vijana na kutembelea mabanda mbalimbali ya uchaguzi, kuzuia na kudhibiti dawa za kulenya, rushwa na lishe na upimaji wa UKIMWI na Malaria na kupokea risala ya utii.

Kesho tarehe 24 Agosti, 2025, Mkuu wa Mkoa wa Mara Mhe. Kanali Evans Alfred Mtambi anatarajiwa kukabidhi Mwenge wa Uhuru kwa Mkuu wa Mkoa wa Mwanza Mhe. Said Mohamed Mtanda katika eneo la Nansio, Kisiwa cha Ukerewe.