Ili uweze kumuona Mkuu wa Mkoa wa Mara Mhe. Ally Salum Hapi Ofisini kwake mambo yafuatayo yanapaswa kuzingatiwa:-
1.Anza kupeleka hoja yako au shida yako kwa Mkuu wa Wilaya unayoishi. Endapo tatizo lako litakuwa bado halijashughulikiwa ipasavyo,Mkuu wa Wilaya anaweza kukushauri umuone Mkuu wa Mkoa au wewe mwenyewe unaweza kuja kumuona Mkuu wa Mkoa.Ukifika Ofisi ya Mkuu wa Mkoa
i) Fika mapokezi na omba kuonana na Katibu wa Mkuu wa Mkoa ambaye atakusikiliza na endapo anaweza kushughulikia swala lako atalimaliza yeye
mwenyewe lakini kama ataona hadi Mkuu wa Mkoa ndiyo ataweza kulimaliza tatizo lako atawasiliana na Mkuu wa Mkoa na atakuombea nafasi ya kumuona Mkuu wa Mkoa.
ii) Baada ya kuwasilisha malalamiko yako unashauriwa ujadiliane na katibu wa Mkuu wa Mkoa ili kuweza kufuatilia utekelezaji wa kile mlichoshauriana na Mkuu wa Mkoa
2. Siku za Alhamisi ya kila wiki Mkuu wa Mkoa pamoja na Kamati ya Kusikiliza Migogoro inasikiliza wananchi wenye matatizo mbalimbali yaliyowasilishwa katika Ofisi ya Mkuu wa Mkoa.
