Mtanda aliapisha Baraza la Ardhi Wilaya ya Musoma

Posted on: November 17th, 2023

Mkuu wa Mkoa wa Mara Mhe. Said Mohamed Mtanda leo ofisini kwake amewaapisha wajumbe wa Baraza la Ardhi na Nyumba Wilaya ya Musoma.

Akizungumza wakati akiwaapisha wajumbe hao, Mhe. Mtanda amewataka wajumbe wa baraza hilo kuzingatia haki na kujiepusha na masuala ya rushwa kwani kwa kufanya hivyo watakuwa wanawakwamisha wananchi kupata haki na kwenda kinyume na matakwa ya Baraza la Nyumba na Ardhi.

Aidha, Mhe. Mtanda amemtaka Mwenyekiti wa Baraza la Ardhi na Nyumba kuwajengea uwezo wajumbe walioapishwa kuhusu masuala ya ardhi na namna ya kutekeleza majukumu yao kama wajumbe wa baraza hilo.