Kuna makundi mawili ya Leseni za Biashara, Kundi A na Kundi B. Leseni za Kundi A hutolewa na Wakala wa Usajili wa Biashara na Leseni (BRELA) na Leseni za Kundi B hutolewa na Mamlaka za Serikali za Mitaa (Halmashauri).
Masharti/mahitaji ya jumla kwa makundi yote ya Biashara (Kundi A na Kundi B).
Namba ya Utambulisho wa Mlipa Kodi (TIN hutolewa TRA)
Cheti cha uthibitisho wa mlipa kodi (Tax Clearance Certificate hutolewa TRA)
Kitambulisho cha uraia wa mfanyabiashara ( kimojawapo kati ya hivi Passport ya kusafiria, Cheti cha kuzaliwa, cheti cha Utaifa (NIDA) na kiapo toka mahakani/Affidavit )
Mkataba wa pango kama mfanyabiashara amepanga eneo la biashara au Risiti ya Kodi ya jengo kama mfanyabiashara anafanyia biashara katika nyumba yake.
Ada ya leseni. Ada hutozwa tofauti kati ya biashara moja na biashara nyingine, pia hutozwa tofauti kulingana na hadhi ya Halmashauri husika.
NB: Hata hivyo katika Makundi yote ya Biashara Kundi A na Kundi B kuna aina mbili za Biashara, biashara za kitaalam na biashara za kawaida. Biashara za Kitaalamu kama Madawa, Sheria, uhandisi, kuendesha shule, zahanati, hospitali n.k zina masharti ya ziada kutegemea aina ya Biashara na Biashara za kawaida zinatumia masharti matano (5) hapo juu ili kupata leseni ya biashara.
