Mtambi ashsiriki mapokezi ya Chapo

Posted on: June 12th, 2024

Mkuu wa Mkoa wa Mara Mhe. Kanali Evans Alfred Mtambi leo amewaongoza wananchi wa Mkoa wa Mara katika mapokezi ya Katibu Mkuu wa Chama cha FRELIMO na Mgombea Uraisi wa Nchi ya Msumbiji Mhe. Daniel Francisco Chapo ambaye ametembelea makazi ya Baba wa Taifa Mwalimu Julius Kambarage Nyerere, katika eneo la Mwitongo, Butiama.

Akizungumza katika mapokezi hayo, Mhe. Mtambi amemshukuru amesmhukuru Mhe. Chapo kwa kuamua kutembelea nyumbani kwa Baba wa Taifa na kuwashukuru viongozi na wananchi waliojitokeza kushiriki mapokezi hayo.  

Akiwa Butiama Mhe. Chapo amesalimiana na wananchi wa Butiama waliojitokeza kumlaki, amezungumza na wanafamilia ya Mwalimu Nyerere wakiongozwa na mtoto wa Mwalimu Nyerere Madaraka Nyerere, viongozi wa Serikali na Chama cha Mapinduzi (CCM) waliokuja kumlaki.  

Mhe. Chapo ametembelea kaburi la Baba wa Taifa Mwalimu Julius Kambarage Nyerere na kuweka shada la maua kabla ya kuwasalimia mamia ya wananchi wa Butiama waliojitokeza kumpokea katika Uwanja wa Mwenge Butiama.  

Viongozi walioshiriki mapokezi hayo ni pamoja na Naibu Katibu Mkuu wa Chama cha Mapinduzi (CCM) Tanzania Bara Mhe. John Mongela, Mwenyekiti wa CCM Mkoa wa Mara Bwana Patrick Chandi na viongozi wengine wa CCM Taifa, Mkoa na Wilaya.  

Viongozi wengine waliokuwepo katika mapokezi hayo ni Naibu Waziri wa Katiba na Sheria ambaye pia ni Mbunge wa Butiama Mhe. Jumanne Sagini na Mkuu wa Wilaya ya Butiama Mhe. Moses Kaegele, wajumbe wa Kamati ya Usalama ya Mkoa na Wilaya ya Butiama.

Katika mapokezi hayo,Bwana Madaraka Nyerere amempatia Mhe. Chapo fimbo inayofanana na fimbo ambayo Baba wa Taifa alikuwa anatembea nayo wakati wa uhai wake ambayo alisema kwa Kizanaki fimbo hiyo ilikuwa ni ishara ya uongozi thabiti.